Passer, deliciae meae puellae,

quicum ludere, quem in sinu tenere,

cui primum digitum dare appetenti

et acris solet incitare morsus,

cum desiderio meo nitenti                          5

carum nescioquid lubet iocari,

ut solaciolum sui doloris,

credo, ut tum gravis acquiescat ardor;

tecum ludere sicut ipsa possem

et tristis animi levare curas!                     10

Catullus 2 Bibliography

English Sparrow Poems

Poems List